تبلیغات
کندیم منامن - شعری از اسماعیل حکمتی منامن
خدایا من در کلبه فقیرانه خود چیزی دارم که تو در عرش کبریای خود نداری. من خدایی چون تو دارم و تو چون خود نداری

شعری از اسماعیل حکمتی منامن

یکشنبه 27 اسفند 1391 11:36 ق.ظ

نویسنده : سرخوش غلامی منامن
ارسال شده در: اشعار اسماعیل حکمتی منامن ، شخصیتهای فرهنگی منامن ،

گَلبن كیمی داشاسلام وره ردیك

قارانلقن باشن داشن گوره ردیك

دره سیند قاراانجیل درردیك

یاخشی یاخشی داغلاروندا گزه ردیك

قزیل اوزه نینده دوشوب اوزه ردیك

قانلی دره اوستو قاسیم كله گی

خلف باغی مشد عمی مین بَلَه گی

اَلَه نیبدی اونوندا دای اَلَه گی

نفسدیده هردن بیریول چكیری

قوجا واختی آلما اَریك اكیری

نازخانیمن دانشماسی گولمه سی

مئیی بی بی آغاج مینوب سورمه سی

نارخانیمن هوروكلو ساچ هورمه سی

شیرین اولدو آراتنگه قوجالدی

خیر الله دان نامرد فلك باج آلدی

مش حسنون داغارچیقی چاخماقی

گولنده آغزینن سویو آخماقی

داوارلارین دالسیجا باخماقی

قوردا خوخو دیین كیشی نجولدو

خزان وردی پرپر اولوندو سولدو

بهجت خالا كَرمه سینین شاپّاسی

تامام بی نین سیا چوره ك یاپّاسی

بلقیصین پنجه كئشی چاپّاسی

قازانچادا قایماقی یادش به خیر

صبح پیشیره ن قویماقی یادش به خیر

رستم گیلین قوزولاری تكه سی

خارتكه نین بوینوزلوسی یك سی

پورسته نین اوزویاغلی كوكه سی

یاداسالاربایرلاری چم لری

چمده اولان بیره دولو كوملری

زیدی عمی قاراپوچو قوراندا

عوض دایی جویجَمَه ده دوراندا

مَشَد دایی اوغلاخلاری بوراندا

نولاردی بیر هامی لاری اولئیدی

گولو خالام بولامانی بولئیدی

هاردا قالدی مش آیتین كَری سی

مش عزیزین همایونی فَری سی

سعداله نن زامانیلا شَری سی

بیلین مئیری نجولدولار نولدولار

قزیل گول تك نه تئز آچوب سولدولار

یوسوبعلی آلچاق كیشی ای كیشی

بستانلارداسالاردی چوخ های ،كیشی

بیرده گَلَر مگر اونا تای ،كیشی

خورجونون آغوز بوغوزقارپوزو

جیب لری نین دولوب داشان یارپوزو

مش ذبی نین پهلوان تك گزمه سی

آل باغشین گَوَنلری اَزمه سی

زلفعلی نین قاش قاباغن سوزمه سی

خوش گونلرین مَزَلری دادیدی

منامینون آبروسی آدیدی

مش طالبن باغدا تارال قورماغی

فریدونون اونا كله گ وورماغی

باغدا یاتوب صبح بستاندا دورماغی

شب نشین لرچپ چَرَه زی پوسته سی

حیف اولاكی اولدوق هجران خسته سی

اَشرفی نین ناغللاری قصه سی

شادالاردی هامی اوره ك غصه سی

آدلاری دی فقط كتّی لرین حصه سی

نازپری نین سورمه سی یادش به خیر

فیروزون اوسگورمه سی یادش به خیر

بش یوزایلده گوزویولداقالاسان

زلفعلی نی گونده یاداسالاسان

اونا كادو،چوبوق توتون آلاسان

یالواریاخار گور زلفعلی دیری لر

بیرده گَلَر پیرولی لر سیری لر

اینانمازدق مش گل آقا قوجالیب

قوجالیق ،كولگه سین باشینا سالیب

سینّی گئچوب عومورگولی سارالیب

پاخیل فلك اونو بیزدن تئز آلدی

نظر دَیدی ،اونویامان گوز ،آلدی

منظّم بی آلچاخ مهربان خانم

محبتلی اوره ك، ایستی قان،خانم

تاپشراندا آللهنا جان خانم

یوخاری باش دومان توتوب قارالدی

خرمنلرین رنگی قاچوب سارالدی

دایم گیلین آغزی یوموق پَله سی

شوكورگیلین قورداقوران تله سی

اوچو لارین داغدا آغور شله سی

قارداشم اُو قانلی دیه ن گونلریم

گونده اُوون اَتین ییه ن گونلریم

داوارناخیر گلوب پیرده یاتاردی

چوبانلاردا باشن یئره آتاردی

آخشام چاغی گون كی گئدوب باتاردی

سورو،سورو كنده گلوب مَلردی

یازگونونده سزقی یاغیش اَلردی

جورجه نگی اوندا باشا گییردیك

كورپه گلدی آی ننه جان دییردیك

قاتق یاخوب دورموج لری ییردیك

قراولاغی قوووب توتان گونلریم

دیری دیری دورموج اوتان گونلریم

 

آرابولاغ گوز یاشی تك جوشاردی

یوخاری دا نولاردولوب داشاردی

اولسیدلار كندیمیز چوخ یاشاردی

بیلین مئیری كیم دولدوروب داشلادی

كندی میزین قاراگونون باشلادی

 

 

بولاغلارین سویوجوشوب آخاندا

آخوب اوزون دره لره یاخاندا

الآن آدام چشمه سینه باخاندا

اوره ك دولئی گوز یاشالئی دیل آغلی

سوسوز قالان باغچا آغلی گول اغلی

آهای منیم، ائلیم ، اوبام ، قارداشم

كوچوب گئدن وفالی بیر یولداشم

قانادونوب اوره گیمده سیرداشم

دوزه لتمكدن كندین گوزون قاشینی

داشلاوروب سندرمشوق باشینی

گَلون چخاق دَوه بوینو باشینا

اوردان باخاق قارانلقون داشنا

سورمه چكه گ گلین داشی قاشینا

گئچن گوندن عبرت آلوب آغلیاق

هجرت یولون كندیمیزدن باغلیاق




دیدگاه ها : نظرات
آخرین ویرایش: یکشنبه 27 اسفند 1391 02:00 ب.ظ